"مبدعين المستقبل" هو برنامج مقدم من جيمناي أفريقيا بالشراكة مع المجلس القومي للمرأة والمجلس القومي للأمومة والطفولة ويونيسف، في إطار برنامج تمكين المرأة المصرية والبرنامج الدولي المشترك للقضاء على ختان الإناث، وبدعم من الاتحاد الأوروبي. تم اطلاق البرنامج علشان يمكّن الشباب المصري من تحويل أفكارهم وإبداعاتهم وتجاربهم الشخصية لحاجة لها تأثير حقيقي في المجتمع.

لو شايف تحديات في مجتمعك وعندك شغف تستخدم الفن والإبداع علشان تشارك وتظهر القصص الملهمة ومعالجة القضايا المجتمعية زي الأمان الرقمي والعنف والأعراف الاجتماعية الضارة بحق الفتيات والنساء، البرنامج ده معمول علشان يدعمك من خلال تدريبات بتجمع بين التوعية وتنمية المهارات الإبداعية وكمان جلسات إرشاد وتوجيه مع خبراء.

البرنامج ده مفتوح لأي حد من الشباب اللي حابين يحكوا قصتهم، ويعبّروا عن أفكارهم، وياخدوا خطوة علشان يعملوا فرق حقيقي في مجتمعاتهم من خلال صناعة المحتوى والأفلام القصيرة.

من خلال سرد القصص، صناعة الأفلام، والتعبير الإبداعي، هتتعلموا ازاي تفهموا وتحللوا القضايا الاجتماعية، تشتغلوا مع بعض كفريق، وتطوروا مشاريع مؤثرة بتلهم الناس، وتفتح حوارات جديدة، وبتحقق تغيير ملموس.